Turistët nga dhjetëra vende, përfshirë dhe Britaninë e Madhe mund t’u kërkohet si kusht të japin një historik të mediave sociale para së të hyjnë në Shtetet e Bashkuara, sipas një propozimi të shfaqur nga zyrtarë amerikanë.
Kushti i ri do të afektonte njerëzit e dhjetëra vendeve që kanë të drejtë të vizitojnë SHBA-në për 90 ditë pa viza.
Që nga marrja e mandatit, presidenti amerikan ka forcuar kufinjtë e SHBA-së përgjithësisht, duke cituar sigurinë kombëtare si arsye kryesore.
Por, një gjë e tillë është parë si një pengesë në vizitorët e ardhshëm potencial, dhe si cenim i të drejtave digjitale.
Dokumenti i propozimit u paraqit nga Dogana dhe Mbrojtja Kufitare (CBP) dhe Departamenti i Sigurisë Kombëtare (DHS), pjesë e të cilit është edhe agjencia, citon BBC.
Mediat amerikane raportuan se kjo u shfaq në Regjistrin Federal, i cili është revista zyrtare e qeverisë amerikane.
Propozimi thotë se “elementi i të dhënave do t’u kërkojë aplikantëve të ESTA-s të japin mediat e tyre sociale nga 5 vitet e fundit”, pa dhënë detaje të mëtejshme se cilat informacione specifike do të kërkohen.
ESTA ekzistuese kërkon një sasi relativisht të kufizuar informacioni nga udhëtarët, si dhe një pagesë të vetme prej 40 dollarësh
Përveç mbledhjes së informacionit nga mediat sociale, dokumenti i ri propozon mbledhjen e numrave të telefonit dhe adresave të email-it të një aplikanti të përdorura përkatësisht gjatë pesë dhe 10 viteve të fundit, si dhe më shumë informacion rreth anëtarëve të familjes së tyre.
Teksti citon një urdhër ekzekutiv nga Trump në janar, të titulluar “Mbrojtja e Shteteve të Bashkuara nga terroristët e huaj dhe kërcënimet e tjera të sigurisë kombëtare dhe të sigurisë publike”.
