Një zyrtar i lartë amerikan ka konfirmuar për BBC-në se Shtëpia e Bardhë dhe Departamenti i Mbrojtjes janë në dijeni dhe po monitorojnë nga afër kërcënimet e mundshme ndaj bazës ajrore Al Udeid në Katar, pas raportimeve se Irani ka nisur një operacion ushtarak ndaj bazave amerikane në rajon.
BBC gjithashtu ka raportuar për disa shpërthime në Doha, ndërsa CNN bën të ditur se personeli amerikan në ambasadat e SHBA-së në Katar dhe Bahrein është strehuar dhe ndodhet i sigurt.
Për shkak të situatës së tensionuar, në SHBA po mbahet një mbledhje e jashtëzakonshme e Këshillit të Sigurisë Kombëtare, ku është i pranishëm edhe Presidenti Donald Trump.
Tensionet në Lindjen e Mesme kanë hyrë në një fazë të re pas sinjalizimeve për përshkallëzim të drejtpërdrejtë mes Iranit dhe forcave amerikane.
