Shtetet e Bashkuara i kanë dhënë Ukrainës informacione sa i përket lëvizjeve të forcave ruse, të cilat rezultuan në vrasjen e disa gjeneralëve rusë nga ushtria ukrainase.
Sipas burimeve të informuara për CNN thuhet se fundosja e anijes së luftës Moskva erdhi si pasojë e të dhënave të detajuara nga amerikanët.
“Forcat ukrainase, pasi kishin hasur në një luftanije ruse në Detin e Zi, thirrën kontaktet e tyre amerikane për të konfirmuar nëse ishte Moskva” thanë burime të njohura me ngjarjet për CNN.
Shtetet e Bashkuara u përgjigjën se ishte, dhe dhanë informacione për vendndodhjen e saj.
Është e paqartë nëse SHBA e dinte që Ukraina do ta sulmonte anijen ruse.
