Shtetet e Bashkuara të Amerikës mirëpresin rekomandimet e Komisionit Evropian për zgjerimin e BE-së.
Kështu ka bërë të ditur, zëdhënësi i Departamentit të Shtetit, Matthew Miller në një postim në ‘X’.
“Ne mbështesim fuqimisht procesin e zgjerimit të udhëhequr nga BE-ja dhe inkurajojmë vendet kandidate dhe aspirante që të shfrytëzojnë këtë mundësi historike për të realizuar potencialin dhe të ardhmen e tyre të plotë në Evropë”, ka shkruar ai.
The United States welcomes the European Commission’s recommendations on EU enlargement. We strongly support the EU-led enlargement process and encourage candidate and aspirant countries to seize this historic opportunity to realize their full potential and future in Europe.
— Matthew Miller (@StateDeptSpox) November 15, 2023
Ndryshe ditë më parë, Komisioni Evropian miratoi dhe publikoi paketën e zgjerimit dhe raportet vjetore të progresit, ku përgjithësisht vlerësohet bashkëpunimi dhe koordinimi i veprimeve të shteteve të rajonit me BE-në në fushën e politikës së jashtme, me përjashtimin e Serbisë e deri diku, edhe të Bosnje e Hercegovinës, si dy vendet me nivelin më të ulët të përshtatjes me qëndrimet e bllokut në fushën e politikës së jashtme.
Rohde: Para anëtarësimit, vendet e Ballkanit duhet të zbatojnë atë që është e nevojshme
