Përmes një postimi në Tëitter, sekretari amerikan i shtetit, Antony Blinken ka bërë të ditur se kjo për shkak se ata minojnë sovranitetin e Ukrainës dhe shkelin të drejtat e njeriut në atë vend.
“Forcat ruse kanë kryer krime lufte në Ukrainë, kanë vrarë mijëra civilë dhe kanë krijuar një katastrofë humanitare. Si përgjigje, Departamenti i Shtetit ka vendosur kufizime vizash për 2600 ushtarakë rusë dhe bjellorusë dhe zyrtarë të tjerë për të promovuar përgjegjësinë”, ka shkruar Blinken.
Përveç kësaj, Shtetet e Bashkuara kanë prezantuar një politikë të re kufizuese që zbatohet për zyrtarët ushtarakë rusë dhe njerëzit që mbështeten ose besohet se janë të përfshirë në shkelje të të drejtave të njeriut, shkelje të ligjit ndërkombëtar humanitar.
Në të njëjtën kohë, Uashingtoni vendosi sanksione kundër tri stacioneve televizive ruse sot dhe ndaloi qytetarët amerikanë që të ofrojnë shërbime të kontabilitetit dhe këshillimit për rusët, dhe bordi i Gazprombank u sanksionua për shkak të sulmit të Rusisë ndaj Ukrainës.
