SHBA-ja dhe Rusia ranë dakord të enjten për të rivendosur dialogun ushtarak të nivelit të lartë pas një takimi midis zyrtarëve të lartë ushtarakë rusë dhe amerikanë në Abu Dhabi, tha Komanda Evropiane e Shteteve të Bashkuara në një deklaratë.
Marrëveshja u arrit pas takimeve midis Gjeneral Alexus Grynkewich , Komandantit të Komandës Evropiane të SHBA-së – i cili është gjithashtu Komandanti Suprem i Forcave Aleate të NATO-s për Evropën – dhe zyrtarëve të lartë ushtarakë rusë dhe ukrainasë, thuhet në deklaratë.
Kanali “do të ofrojë një kontakt të vazhdueshëm ushtarak, ndërsa palët vazhdojnë të punojnë drejt një paqeje të qëndrueshme”, thuhet në deklaratë, citon AP. Komunikimi ushtarak i nivelit të lartë u pezullua në vitin 2021, pak para pushtimit të plotë të Ukrainës nga Rusia.
Rifillimi i linjës së nxehtë ushtarake shënon një përpjekje për të ulur tensionet që u rritën që nga fillimi i luftës në Ukrainë dhe për të shmangur përplasjet midis ushtrive ruse dhe amerikane.
