ShBA doli në anën e Rusisë me votën e saj në Kombet e Bashkuara për të shënuar përvjetorin e tretë të pushtimit rus të Ukrainës, duke theksuar ndryshimin e qëndrimit të administratës Trump ndaj luftës.
Së pari, ShBA-ja kundërshtoi një rezolutë të hartuar nga evropianët që dënon veprimet e Moskës dhe mbështet integritetin territorial të Ukrainës – duke votuar në të njëjtën mënyrë si Rusia, Koreja e Veriut dhe Bjellorusia në Asamblenë e Përgjithshme të OKB-së (UNGA) në Nju Jork.
SHBA-ja pastaj hartoi dhe votoi për një rezolutë në Këshillin e Sigurimit të OKB-së, e cila bënte thirrje për t’i dhënë fund konfliktit, por nuk përmbante asnjë kritikë ndaj Rusisë.
Këshilli i Sigurimit e miratoi rezolutën, por dy aleatët kryesorë të ShBA, Britania e Madhe dhe Franca, abstenuan pasi përpjekjeve të tyre për të ndryshuar formulimin ju vu veto.
Shtëpia e Bardhë ka përmbysur aleancën transatlantike, duke fituar favorin e Moskës dhe duke hedhur dyshime mbi angazhimin afatgjatë të Amerikës për sigurinë evropiane.
Anëtarët e OKB-së e mbështetën rezolutën evropiane me 93 vota, por, ShBA nuk abstenuan, por në fakt votuan kundër saj, së bashku me Rusinë, Izraelin, Korenë e Veriut, Sudanin, Bjellorusinë, Hungarinë dhe 11 shtete të tjera, me 65 abstenime, raporton BBC.
OKB-ja miratoi gjithashtu rezolutën e SHBA-së, por vetëm pasi ajo u ndryshua për të përfshirë gjuhën që mbështeste Ukrainën, gjë që çoi në abstenimin e SHBA-së.
