Shtetet e Bashkuara kanë ndërmarrë një seri sulmesh ajrore ndaj objekteve ushtarake iraniane, pasi Uashingtoni fajësoi Teheranin për sulmin me dron ndaj një anijeje mallrash në Ngushticën e Hormuzit.
Sipas autoriteteve amerikane, sulmi ndaj anijes nuk shkaktoi viktima, por incidenti ngriti nivelin e alarmit në rajon dhe çoi në evakuimin e planifikuar të mbi 11 mijë marinarëve që ndodheshin në zonën e prekur, raporton BCC.
Komanda Qendrore e SHBA-së (CENTCOM) njoftoi se si kundërpërgjigje janë goditur depo të raketave dhe dronëve, si dhe pozicione radarësh përgjatë bregdetit iranian, me qëllim të dobësimit të kapaciteteve ushtarake të Iranit.
Pak para nisjes së operacionit, presidenti amerikan Donald Trump kishte lënë të kuptohej se një reagim ishte i pashmangshëm. I pyetur nga gazetarët nëse SHBA do t’i përgjigjej sulmit, ai u përgjigj shkurt: “Do ta shihni.”
