Presidenti amerikan, Donald Trump njoftoi se në mëngjesin e 21 qershorit 2025, avionët amerikanë përfshirë B‑2 stealth bombers dhe raketat Tomahawk kryen sulme ndaj tre vendndodhjeve bërthamore: Fordow, Natanz dhe Isfahan.
Konfirmohet që Fordow, e ndodhur në brendësi të malit pranë qytetit Kum, është shënjestruar me gjashtë bomba “bunker‑buster” të llojit GBU‑57 MOP dhe 2 të tjera në Natanz.
“Kemi përfunduar me sukses të madh sulmin tonë ndaj tre objekteve bërthamore në Iran, përfshirë Fordow, Natanz dhe Esfahan. Të gjitha avionët tani janë jashtë hapësirës ajrore të Iranit. Një ngarkesë e plotë me BOMBA u hodh mbi objektivin kryesor, Fordow. Të gjithë avionët janë në rrugë të sigurt drejt shtëpisë. Urime luftëtarëve tanë të mëdhenj amerikanë. Nuk ka ushtri tjetër në botë që do të mund ta bënte këtë. TANI ËSHTË KOHA PËR PAQE! Faleminderit për vëmendjen ndaj kësaj çështjeje”, ka shkruar Trump.
Izraeli thotë se ishte në “koordinim të plotë” me SHBA-në në planifikimin e sulmeve.
Zyrtarët iranianë kanë konfirmuar se objektet u goditën, por mohuan se kishin pësuar një goditje të madhe.
