Kombëtarja e Zvicrës sot ka mbajtur konferencë për media para ndeshjes me Kosovën.
Trajneri Murat Yakin dhe futbollisti Xherdan Shaqiri sot folën para gazetarëve. Të dy u shprehen optimistë për këtë ndeshje.
Yakin tha se tre futbollistët shqiptarë duhet t’i largojnë këto emocione dhe të japin maksimumin:
“Graniti, Xherdani dhe Andi Zeqiri duhet t’i kontrollojnë emocionet e tyre. Do të jetë e veçantë para ndeshjes, por në momentin kur gjyqtari i bie bilbilit, ata duhet t’i largojnë këto emocione. Ata janë profesionistë dhe kjo është arsyeja pse unë e kërkoj këtë nga lojtarët.”
Në anën tjetër Shaqiri e merr më me gjakftohtësi dhe thotë se është vetëm ndeshja e radhës:
“Unë përgatitem normalisht. Kam luajtur ndeshje edhe më të rëndësishme se kjo. Duhet të reagojmë për humbjen që patëm ndaj Anglisë. Qëllimi është i qartë, të fitojmë në çdo ndeshje…”
Miqësorja Zvicër – Kosovë do të zhvillohet nesër nga ora 18:00 në Zurich./Tëvë1/
