Shala thotë se deri te vendimi i menaxhmentit të Postës për t’i ndarë në dy pjesë rrogat është që punëtorët të mos penalizohen nga bankat për shkak të kredive.
“Sa i përket pagesave, qysh nga janari kanë filluar të bëhen pagesat me dy këste, me të parin pjesa e parë, ndërsa prej datës 5/6 janë pagu pjesa e dytë. Për shkak të gjendjes financiare të rëndë që ka Posta, që nuk është duke kaluar në gjendje të mirë financiare, për atë arsye, menaxhmenti ka vendosur me bordin që me u nda në dy pjesë për shkak se punëtorët e Postës janë në kredi me banka dhe mos me u penalizu edhe prej bankave”, tha Shala në “Ditari” në Tëvë 1.
Kryetari i shoqatës sindikaliste të Postës së Kosovës potencoi se disa institucione publike i kanë borxh Postës, e në këtë mënyrë duhet t’i inkasohen borxhet.
“Është më shumë se një vit, apo vit e gjysmë, mos të them dy, që nonstop ju kemi shkru, kemi reagu. Kemi pas takime, ka qenë shërbimi universal postar që qeveria i ka borxh postës, në një farë mënyrë dhe kemi kërkuar që ajo me na u pagu. Edhe plus Postës, disa institucione publike i kanë borxh, për atë arsye kemi kërkuar nga menaxhmenti që të inkasohen borxhet. Edhe prej Qeverisë, prej Ministrisë, dhe prej të gjithëve kemi kërkuar që Postës me i dalë në ndihmë”, tha Shala.
Shala theksoi se Posta është aset i Qeverisë, dhe për këtë e njëjta duhet të ndërhyjë në këtë rast.
Dje një media është raportuar se stafi i Postës së Kosovës kanë marrë një email nga menaxherët ku kërkohej mirëkuptim pasi që gjysmën e pagës së muajit maj 2022, nuk e kanë marrë ende.
Në porosinë elektronike dërguar punëtorëve, thuhet se për gjysmën tjetër të pagës, Posta e Kosovës është duke pritur një mbështetje financiare në formë kredie. /Teve1.info/
