Në “Ditari” në Tëvë 1, ai thotë se kanë proceduar një propozim të tillë në Kuvendin e Kosovës për shkak se “u shërbejnë qytetarëve”.
“Kjo ka ardhur prej qytetarëve prej njerëzve që komunikojmë me ta dhe ka qenë kërkesë që të procedohet ky projektligj dhe është kërkesë për arsye se shohim vazhdimisht thuhet që kemi rritje ekonomike por nëse situata në teren është ndryshe kur flasim me qytetarët e shohim se ka një krizë inflacion probleme me të cilat ballafaqohen dhe pagat nuk u mjaftojnë”, tha ai.
Madje, Shala ka folur edhe për kundërshtimin e partisë në pushtet – Lëvizjes Vetëvendosje, rreth votimit të këtij projektligji.
Sipas tij, nëse LVV konsultohet me votuesit e vetë, atëherë do të marrë vendim që ta përkrahë këtë nismë nga partitë opozitare.
“Ne kemi kërkuar dhe po presim edhe prej partisë në pushtet VV e cila duhet të konsultohet me votuesit e vetë dhe jemi shumë të bindur që kur të konsultohet me votuesit e vetë ka me qenë kërkesë e votuesve të LVV-së dhe ka me pasë kërkesë që të aprovohet kjo tërheqje e Trustit dhe kemi thënë se duhet krijuar nivele sepse ke qytetarë se me 10 për qind nuk mund t’i tërheqë as 600 euro dhe mund të bëhet një kategorizim i Trustit”, shtoi Shala./teve1.info/
