Deputeti i Partisë Demokratike të Kosovës, Ferat Shala, ka shkruar se kushdo që e cenon miqësinë e Kosovës me Shtetet e Bashkuara të Amerikës, shkel mbi gjakun e UÇK-së dhe e tradhton amanetin e të gjithë dëshmorëve.
Kjo deklaratë e Shalës duket se erdhi pas lajmit që Kosova është përjashtuar nga “Defender Europe 2023” dhe tensionimeve të fundit në veri të Mitrovicës, përcjell teve1.info.
“Miqësia me SHBA është produkt i djersës, mundit e sakrificës të shumë brezave, i gjakut të UÇK-së. Kushdo që e cenon këtë miqësi të shenjtë, shkel mbi këtë mund e gjak, dhe tradhton amanetin e të gjithë dëshmorëve të rënë për lirinë e Kosovës”, thuhet në postimin e Shalës./teve1.info/.
