Deputeti i Partisë Demokratike të Kosovës, Ferat Shala, thotë se nga Qeveria e Kosovës nuk shohin asnjë opsion për të dalë nga kriza politike.
Shala thotë se kjo qeveri nuk mund të çojë përpara proceset.
“Është kërkesë e jona legjitime, sepse nuk shohim dhe nuk e besojmë më asnjë opsion alternativ që kjo qeveri ofron, dhe ne detyrimisht duhet t’i kthehemi qytetarëve atyre që na besuan që ta bëjmë një vlerësim dhe të shohim të ndryshojmë qeverinë. Definitivisht kjo qeveri nuk mund t’i çojë përpara proceset, nuk mund të lëviz përveç se çdo ditë, javë, muaj kemi goditje që merr shteti në sferën diplomatike, politike, dhe me theks të veçantë është tashmë çështja e goditjeve ekonomike, për shkak të keqmenaxhimit të buxhetit dhe skandaleve ekonomike në sferën e brendshme”, tha ai në emisionin “Info Nata” në Tëvë1.
Tutje, ai Shala tha se PDK nuk ka mundësi ta ndalojë këtë qeveri ndryshe, përveç me zgjedhje të reja.
“Ne nuk mund ta parandalojmë ndryshme përveç me votë të lirë e demokratike dhe me procese legale kushtetuese të cilat janë në dispozicion”, shtoi ai./teve1.info/
