Shakira ka folur pas ndarjes nga ish-i i saj Gerard Pique pasi ajo me familje po largohet nga Spanja.
Këngëtarja kolumbiane e muzikës pranoi se kishte një nivel të lartë interesi për jetën e saj, por kërkoi që dy djemtë e saj, Milan dhe Sasha, të lejoheshin të jetonin një jetë të shëndetshme dhe të lumtur, shkruan Daily Mail.
Në një postim në Instagram, këngëtarja shkroi: “Të nderuar miq, gazetarë dhe media. Në këtë moment ndryshimi në jetën time si personazh publik, është e kuptueshme që ka një kuriozitet të përhershëm nga ana e shtypit që më rrethon mua dhe familjen time”.
“Megjithatë, djemtë e mi Milan dhe Sasha kanë pasur një vit shumë të vështirë, duke vuajtur një rrethim i pandërprerë… (nga) paparacët dhe mediat e ndryshme në Barcelonë”.
Ajo vazhdoi: “Ju lutem që të përmbaheni nga ndjekja e tyre në dalje ose në hyrje të shkollës, duke i pritur në derën e shtëpisë sonë, ose t’i ndiqni në aktivitetet e tyre jashtëshkollore”.
Këngëtarja tha se djemtë e saj, 10 dhe tetë vjeç, duhet të trajtohen “në mënyrën më njerëzore të mundshme” dhe të lejohen të jetojnë jetën e tyre në paqe pa “vëzhgimin e vazhdueshëm të kamerave”.
