Elhami Shabani të shtunën do të garojë për medalje të brozntë në Evropianin e Karatesë që po mbahet në Gaziantep të Turqisë.
Karateisti i kategorisë deri në 75 kilogramë u ndal në luftën e tretë. Ai u mposht nga karateisti turk Erman Eltemur, dhe për këtë luftë ka edhe një vërejtje për gjykimin e luftës, ku thotë se gjyqtarët e kanë dëmtuar në këtë takim duke i bërë të padrejtë.
“Po deri të e bronzta i kom zhvillu pesë lufta, katër prej tyre i kam fitu, ndërsa një kam barazuar me turkun. Gjyqtarët me kan dëmtuar në luftën me turkun, dhe pikët i mori”, tha Shabani për TËVË1.
Mirëpo në repesazh Shabani e mposhti karateistin nga Danimarka, Mads Larsen Viberg.
Luftën e radhës për medalje të bronztë e ka të shtunën kundër karateisti nga Bosnja, Hamza Turulja, por Shabani nuk mohon cilësitë e boshnjakut, mirëpo thotë se për këtë ka vuajtur me vite dhe luftuar për këtë moment.
“Kam punuar shumë, edhe me vite kam vuajtur dhe pritë këtë moment. Unë kam me bë gjithçka që kjo medalje të jetë e imja, edhe pse kundërshtari është i vështirë”, përfundoj Shabani.
Për këtë garë karateisti kosovar ka marrë përkrahje maksimale nga Federata e Karatesë, përfshirë edhe Komitetin Olimpik te Kosovës. /Tëvë1/
