22:55 Sfida në “Bernabeu” nuk prodhon fitues mes Real Madridit dhe Manchester City
Real Madridit dhe Manchester City kanë barazuar në ndeshjen e parë gjysmëfinale 1:1 në “Santiago Bernabeu” dhe tani gjithçka vendoset pas tetë ditëve në “Etihad”.
Të parët në epërsi kaluan ekipi i Carlo Ancelottit në minutën e 36’të me anë të anësorit brazilian, Vinicius Junior.
Në pjesën e dytë, lojtarët e Pep Guardiolas kërkuan golin e barazimit dhe e gjetën atë me një super gol nga mesfushori i Kombëtares së Belgjikës, Kevin De Bruyne në minutën e 67’të.
Pas këtij goli, dy skuadrat kërkuan të shënonin, por nuk arritën falë intervenimeve të dy portierëve, Courtois dhe Ederson.
Ndeshja kthyese zhvillohet në “Etihad” javën e ardhshme, e mërkurë nga ora 21:00, ku edhe mësohet finalisti i Stambollit në UEFA Champions League.
22:31 Shtanget “Bernabeu”, De Bruyne me një gol spektakolar baraspeshon gjithçka
Barazohet rezultati në “Santiago Bernabeu”. Mesfushori Kevin De Bruyne nga një distancë bukur e largët gjuajti goditje saktë në portë për rezultatin 1:1.
21:56 Real Madrid shkon me avantazh në pushim, Vini JR ngriti në këmb një “Bernabeu”
Real Madrid ka shkuar në pushim me epërsi ndaj Manchester City në ndeshje e parë gjysmëfinale të Champions League, e cila po zhvillohet në “Santiago Bernabeu”.
Ndonëse në minutat e parë me kërkues ishte ekipi i citizens, por Los Blancos ishin ata që shënuan me braziluanin Vinicius Junior në minutën e 36 të ndeshjes nga një distancë bukur e largët. Vini shënoi pas një asistimi nga Camavinga, i cili deri në shërbim bëri një “sprint” nga gjysma e fushës.
