Krahas Superligës, këtë vikend nis edhe sezoni i ri në Ligën e Parë të Kosovës në futboll, i cili pritet të jetë tejet interesant.
Mirëpo, për dallim prej Superligës që nis të dielën me vetëm tri ndeshje, në Ligën e Parë të gjitha nëntë ndeshjet do të luhen në ditën e njëjtë.
Pra, xhiroja e parë e Ligës së Parë luhet të shtunën dhe atë prej orës 16:30.
Këtë sezon, Liga e Parë nuk do të jetë e ndarë në dy grupe sikurse në të shkuarën, por do të funksionojë si ligë unike me 18 skuadra pjesëmarrëse.
Duelet e xhiros së parë, janë: Prizreni – Trepça ’89, Ramiz Sadiku – 2 Korriku, Trepça – Istogu, Vëllaznimi – Feronikeli ’74, Besa – Vushtrria, Kika – KEK-u, Suhareka – Vjosa, Dinamo – Tefik Çanga dhe Rilindja – Liria.
