Administrata Tatimore e Kosovës ka njoftuar se ka intensifikuar veprimet operative për shërbimet që ofrohen lidhur me dasmat dhe ahengjet.
Këtu përfshihen që nga sallat e hotelet, frizeret, këngëtarët, e deri tek luleshitësit.
“Administrata Tatimore e Kosovës intensifikon veprimet operative në këto shërbime që ofrohen në ahengje dhe dasma: Sallat dhe hotelet, Shërbimet, Këngëtarët dhe grupet muzikore, DJ, Videografët dhe fotografët, Veshjet (fustane nusërie, kostume dhe veshje ceremoniale), Makeup artistët, Hairstylistët / frizerët, Dekorimi i sallave dhe ambientit, Organizatorët e eventeve (event planner), Ndriçimi dhe efektet special, Rent a Car për dasma, Ëmbëltoret (torta dhe ëmbëlsirat për dasma), Luleshitësit (aranzhimet me lule). Ftojmë të gjithë qytetarët dhe klientët që kanë marrë shërbime të tilla të bashkëpunojnë me Administratën Tatimore të Kosovës në kuadër të këtyre veprimeve operative”, shkruhet në njoftim.
