Sulmuesi Benjamin Sesko është përforcimi më i ri i Manchester Unitedit, pasi të enjten mbrëma ka ateruar në qytetin anglez, përpara se ti nënshtrohet testeve mjekësore dhe ta firmos kontratën.
Kështu që, Sesko brenda 24 apo 48 orëve, do të prezantohet si futbollist i ekipit nga “Old Trafford”.
Sesko zgjodhi Manchester Unitedin para Neëcastle Unitedit dhe me ekipin e ri do të firmos kontratë pesëvjeçare.
Ai te Manchester Unitedi do të transferohet nga Leipzigu, ekip që nga shitja e tij do të përfitojë 85 milionmë euro me bonuse.
Prej kësaj shume totale, 76.5 milionë euro janë dëmshpërblim për kartonin e Seskos kurse 8.5 milionë euro tjera janë bonuse që janë të lidhura me paraqitjet e sllovenit.
22-vjeçari prej vitit 2023 ishte pjesë e Leipzigut dhe në 64 paraqitje në total në Bundesligën e Gjermanisë, ka shënuar 27 gola dhe ka bërë 7 asistime.
