Gjykata Themelore në Prishtinë ka dënuar pjesëtarin e xhandarërisë së Serbisë, Sërgjan Lazoviq, me 12 vjet e gjashtë muaj burgim për krime lufte kundër popullsisë civile.
Sipas aktgjykimit, Lazoviq u shpall fajtor së bashku me pjesëtarë të tjerë të paidentifikuar të forcave serbe, gjatë viteve 1998 dhe 1999 ka kryer krime lufte në fshatin Panorc të komunës së Malishevës.
Ai akuzohet për arrestime dhe ndalime të kundërligjshme, dëbim, burgosje si dhe keqtrajtim të civilëve, në bashkëpunim me forca të tjera serbe./teve1.info/
