Në Serbi, konkretisht në Beogradin e Ri të shtunën u mbajt para ushtarake, në një kohë ku Serbia po përballet me protesta të mëdha të organizuara nga studentët kundër regjimit të presidentit aktual Vuçiq.
Ngjarja nxori në pah përçarjet e thella brenda shoqërisë serbe, pasi forcat policore i penguan studentët dhe protestuesit kundër korrupsionit të afroheshin në vendngjarje për të përshëndetur ushtrinë, raporton N1.
Parada madhështore ushtarake “Forca e Unitetit” u zhvillua në Beogradin e Ri të shtunën, duke tërhequr mijëra ushtarë, pajisje të rënda ushtarake dhe mysafirë ndërkombëtarë. Spektakli u paraqit si një shfaqje e fuqisë kombëtare. Megjithatë, pavarësisht emrit të tij, ngjarja nxori në pah përçarjet e thella brenda shoqërisë serbe, pasi forcat policore i penguan studentët dhe protestuesit kundër korrupsionit të afroheshin në vendngjarje për të përshëndetur ushtrinë.
Parada, e organizuar pas Pallatit të Serbisë, paraqiti disa nga pajisjet ushtarake më moderne në arsenalin e Serbisë. Për herë të parë, Serbia shfaqi sistemin izraelit të lëshimit të raketave me rreze të gjatë veprimi PULS.
Në këtë ngjarje morën pjesë edhe përfaqësues të vendeve të ndryshme. Ndër pjesëmarrësit ishin Presidenti i Emirateve të Bashkuara Arabe, Sheikh Mohamed bin Zayed Al Nahyan, një delegacion nga Bahreini i udhëhequr nga Sheikh Nasser bin Hamad Al Khalifa, si dhe përfaqësues ushtarakë nga Franca, Kina, Hungaria dhe Garda Kombëtare e shtetit amerikan të Ohajos. Diplomatët e akredituar në Serbi ishin aty poashtu.
