Derisa orët po afrohen, gjithçka është bërë gati për zbatimin e reciprocitetit për dokumentet që lëshohen nga të dyja vendet.
Tëvë1, ishte te pala serbe në pikën kufitare në Merdarë, për të marrë një qëndrim nga ana e tyre.
Ani pse nuk pranuan të flasin para kamerave, thanë se janë të gatshëm që ta zbatojnë secilin urdhër që vjen nga qeveria e Serbisë.
Aty janë vendosur edhe pankarta në dy gjuhë, angleze dhe serbe, në të cilën specifikohet se nuk e njohin pavarësinë e Kosovës.
“Mundësimi i përdorimit të letërnjoftimeve të lëshuara nga Prishtina (Kosova*) bëhet vetëm për arsye praktike, për lehtësimin e e pozitës së individëve dhe që të mundësohet liria e lëvizjes e arritur me marrëveshjen për lirinë e lëvizjes të arritur në vitin 2011, nuk guxon të interpretohet si njohje e pavarësisë së Kosovës * së shpallur njëanshëm, nuk prejudikon përcaktimin e statusit final të Kosovës dhe nuk mund të interpretohet si heqje dorë e Beogradit nga Rezoluta 1244 (1999)”, thuhet në ato pankarta.
Me marrëveshjen që pritet të nis së zbatuari sonte në mesnatë, Serbia do t’i pranojë dokumentet e identifikimit të Republikës së Kosovës.
Se vendimi do të zbatohet në përpikëri e ka rikonfirmuar edhe presidenti serb, Aleksandër Vuiq.
E për shumëkënd kjo gjë i ka shkaktuar humbje Serbisë.
Kreu i Ligës Socialdemokrate të Vojvodinës, Nenad Canak, thotë se Serbia me këtë vendim, formalisht e ka njohur Pavarësinë e Kosovës.
Madje, ai ka paralajmëruar se pas njohjes së letërnjoftimeve të Kosovës, Serbia mund të njohë edhe targat RKS.
“Mundësimi i përdorimit të letërnjoftimeve të lëshuara nga Prishtina (Kosova*) bëhet vetëm për arsye praktike, për lehtësimin e pozitës së individëve dhe që të mundësohet liria e lëvizjes e arritur me marrëveshjen për lirinë e lëvizjes të arritur në vitin 2011, nuk guxon të interpretohet si njohje e pavarësisë së Kosovës * së shpallur njëanshëm, nuk prejudikon përcaktimin e statusit final të Kosovës dhe nuk mund të interpretohet si heqje dorë e Beogradit nga Rezoluta 1244 (1999)”, shkruhet në atë tabelë.
Kronika e gazetarit Arton Rama.