Dy të rinj shqiptarë gjatë mbrëmjes të së enjtes u rrahën në sheshin e Mitrovicës Veriore.
Duke kaluar në sheshin “CAR LAZAR”, 15 deri në 20 qytetarë serbë ushtruan dhunë mbi dy shqiptarët.
E sipas raportit të Policisë së Kosovës, ngjarja ka ndodhur rreth orës 20:00 ku disa prej personave kanë qenë edhe të maskuar.
Zëvendësdrejtori i Policisë në rajonin e Mitrovicës, Veton Elshani tregon se ku kanë arritur hetimet.
Mirëpo, nga Qendra e Mjekësisë Familjare atje nuk kanë dhënë detaje për trajtimin e dy të rinjve që ishin të vitit 2000 dhe 2001.
E pavarësisht sulmeve, banorët shqiptarë në lagjen e boshnjakëve thonë se nuk po ndihen të rrezikuar.
Nga ana tjetër, gjatë së enjtes në mbrëmje ka pasur edhe dy shpërthime në Mitrovicën e Veriut dhe në Zvecan. Mirëpo deri në këtë periudhë, sipas Policisë së Kosovës ende nuk dihet nëse kanë qenë shok-bomba apo mjete piroteknike. E të premten, pak metra larg stacionit policor në Mitrovicë, është arrestuar edhe një serb për dhunë ndaj KFOR-it.
Ndryshe,edhe tw premten kanw vazhduar protestat e qytetarëve serbë në tri komunat e tjera veriore, asaj të Leposaviqit, Zveçanit dhe Zubin Potokut.
Kronika e gazetares Fetije Kamberi.
