Mijëra qytetarë serbë qëndruan në heshtje për 15 minuta në qytetin jugor të Nishit të shtunën, të cilët kanë dalë për të protestuar kundër qeverisë së vendit.
Qindra studentë marshuan ose udhëtuan me biçikleta drejt Nishit, duke ndaluar në qytete të ndryshme gjatë rrugës dhe duke fituar mbështetjen e njerëzve që jetojnë jashtë qendrave urbane të vendit.
“Kjo nuk është garë 100 metra. Kjo është një maratonë. Kjo do të marrë kohë, por nuk do të heqim dorë”, shprehet Milan Bogiceviq- mësues.
Qytetarët po protestojnë kundër presidentit serb, Aleksandar Vuçiq ku po kërkojnë përgjegjësi për shembjen e çatisë në një stacion hekurudhor ku la të vdekur 15 njerëz.
Prokurorët kanë ngrehur akuzua ndaj 13 personave në lidhje me shembjen e strehës.
Qeveria ka njoftuar se do të nisë një fushatë kundër korrupsionit dhe gjithashtu ka mohuar akuzat për korrupsion.
Kryeministri serb, Milos Vuçeviq, dhe dy ministra të tjerë kanë dhënë dorëheqjen për shkak të protestave që janë zhvilluar në Beograd, si dhe në qytete anembanë Serbisë.
Por, studentët kanë thënë se protestat e tyre do të vazhdojnë deri sa kërkesat e tyre për llogaridhënie të plotë të plotësohen.
Në tre muajt e fundit, Vuçiqi herë i ka akuzuar studentët se po punojnë për fuqitë e huaja, herë ka thënë se do të bëjë lëshime dhe ka pretenduar se e ka përmbushur çdo kërkesë të studentëve.
Objekti i stacionit në Novi-Sad ishte rinovuar dy herë në vitet e fundit si pjesë e një pune më të gjerë për infrastrukturë me kompanitë shtetërore kineze.
