Të mërkurën në mesditë, në këtë vend disa serbë lokalë dolën në protestë.
Përveç protestimit për vrasjen e një serbi, ata nisën një peticion me kërkesë për largimin e forcave policore të Njësisë Speciale të Kosovës.
Ky peticion që po mbështetet nga Lista Serbe, pritet të zgjas disa ditë dhe do të mbahet në pjesë të ndryshme të katër komunave veriore.
Tëvë1 ishte të premten në Leposaviq dhe organizatorët e peticionit e konfirmuan se tashmë ata kanë lëvizur në pjesë të ndryshme të veriut me qëllim të sigurimit të një numri sa më të madh të nënshkrimeve.
Për dallim nga bashkëkombësit e tij, ky i moshuar serb në Mitrovicën e Veriut, thotë se nuk e ka ndërmend ta nënshkruajë peticionin edhe pse ka dëgjuar për të.
“Po kam dëgjuar për të. Nuk e kam nënshkruar sepse nuk mendoj që duhet ta bëjë. Unë për vete asnjëherë nuk kam pasur probleme me policinë. Mendoj që janë sjellë korrekt- ata me mua e unë me ta. E mbi të gjitha këto gjëra janë politike. E unë nuk dua të bëhem pjesë e saj”, thotë ai.
E një paralajmërim të rrezikshëm për pasojat pas peticionit po e jep profesori Nexhmedin Spahiu.
Por, ish-zëvendëskryesuesi për Komunitetet në Mitrovicën e Veriut, Emir Azemi, thotë se peticioni nuk i rrezikshëm, sepse siç thotë ai: nuk ka ndonjë rëndësi.
Megjithatë, ai bënë një thirrje për institucionet vendore.
Se situata e sigurisë në veri nuk është nën nivelit e duhur, e tha të enjten kreu i Kuvendit, Glauk Konjufca.
Ai tha se grupe serbe po synojnë ta destabilizojnë këtë pjesë të vendit, para zgjedhjeve të 23 prillit.
Derisa, në të njëjtën seancë, kryetari i AAK-së, Ramush Haradinaj, u bëri thirrje krerëve të institucioneve që zgjedhjet e së dielës së ardhshme të shtyhen, për shkak të rrezikut potencial për eskalimin e situatës.
Kronika e realizuar nga gazetari Arton Rama
