Këngëtarja e njohur Rona Nishliu kishte planifikuar të mbante një koncert sonte në sheshin “Car Llazar” në veri të Mitrovicës. Por aktiviteti është përballur me kundërshtime nga banorë lokalë serbë.
Grupi i qytetarëve serbë ka vendosur tavolina në mes të rrugës, duke bllokuar hyrjen drejt hapësirës ku pritej të mbahej koncerti. Në vend të muzikës së koncertit, është vendosur muzikë me përmbajtje nacionaliste serbe.
Në afërsi të skenës ku ishte paraparë të performonte Nishliu, po qëndrojnë pjesëtarë të Policisë së Kosovës për të ruajtur rendin dhe për të menaxhuar situatën e tensionuar.
Në vendin e ngjarjes është parë edhe Igor Simiq, përfaqësues i Listës Serbe, duke konfirmuar përfshirjen politike në kundërshtimin ndaj aktivitetit kulturor.
Aktualisht nuk dihet nëse koncerti do të mbahet apo do të anulohet, ndërkohë që autoritetet po monitorojnë situatën nga afër.
