Deputeti i Lidhjes Demokratike të Kosovës, Driton Selmanaj, thotë se kryeministri, Albin Kurti, ka dështuar në të gjitha premtimet për minierën e Trepçës.
Përmes një postimi në Facebook, Selmanaj ka publikuar një video të Kurtit me premtimet e tij për investimet në Trepçë, shkruan teve1.info
Ai theksoi që Kurti s’e ka hallin e minatorëve që jetojnë në kushte të tmerrshme, por te rezultati i zgjedhjeve parlamentare.
“Ndërsa sot, kur minatorët jetojnë në kushte të tmerrshme dhe ende nuk i kanë marrë pagat e dy muajve, Albin Kurti i premton vetes se në vitin 2025 do të fitojë edhe më shumë vota se në vitin 2021. Ky nuk e ka hallin e minatorëve dhe të kësaj shoqërie, por tek rezulltati i zgjedhjeve që do mbahen së shpejti”, shkroi Selmanaj.
Ndryshe, minatorët e Trepçës nuk kanë marrë ende as pagën e muajit qershor.
Sindikata e Pavarur e Minatorëve të “Trepçës”, ka njoftuar se interesimi i qeverisë, ministrisë dhe bordit është zero, teksa nuk e përjashtojnë mundësinë e migrimit si pasojë e kësaj qasjeje./
