Deputeti i Lidhjes Demokratike të Kosovës, Driton Selmanaj, gjatë seancës plenare ku po diskutohet për raportin e Departamentit Amerikan të Shtetit, tha se “Qeveria Kurti dhe korrupsioni janë ulur këmbëkryq bashkë”.
Madje sipas Selmanaj, kryeministri Kurti është i involvuar në secilin skandall, raporton teve1.info.
“Kjo Qeveri dhe korrupsioni janë këmbëkryq bashkë. Për ne si LDk ka qenë e pritur sepse aferat e kësaj qeverie janë të nivelit shumë të lartë. Secili rast megaskandal në vete. Çka e bën më shqetësues, është se për të gjitha këto çështje, kryeministri Kurti involvohet. Dy raste ku kanë sinjalizues të qartë, në rastin e rezervave shtetërore dhe rastin e ambalazhuesve të ujit, dy njerëz që kanë tregu integritet moral dhe patriotik për të mbrojt këtë vend I keni suspendu nga puna”, ka theksuar Selmanaj para deputetëve./teve1.info/.
