Dita e enjte, e gjeti në Krushë të Madhe.
Krejt kjo, në përvjetorin e 27 të masakrës më të madhe në Kosovë.
Pas përfundimit të akademisë, presidentja e vendit, Vjosa Osmani, u pyet për aktgjykimin e fundit të Gjykatës Kushtetuese.
Kjo meqë institucioni më i lartë për interpretimin e Kushtetutës, e rrezoi dekretin përmes të cilit Osmani e shpërndau Kuvendin e Kosovës.
“Jemi deklaruar për tema tjera”, tha ajo.
E njëjtë veproi edhe kryetarja e Kuvendit e cila pas 4 prillit, do ta ushtrojë detyrën e Osmanit nwse deri atwherw nuk zgjidhet presidenti i ri.
“Jo këtu”, u shpreh Haxhiu.
Sipas aktgjykimit të fundit, dekreti i Presidentes nuk prodhon asnjë efekt juridik.
Ndërsa sqaroi se deputetët kanë në dispozicion edhe 34 ditë për ta përfunduar procedurën e zgjedhjes së presidentit të ri.
“Kuvendi duhet të tubohet, të vazhdoj procedurën e filluar, e ka valorizuar ky vendim edhe atë dispozitë që ishte e anashkaluar nga këta pretendentet që donin me cdo kusht ta respektonin afatin 30 ditorë vetëm dhe jo atë 60 ditorëshin, tani e ka valorizuar dhe ka thënë se në harmoni afati 60 ditor i dispozitës 86 dhe ky tjetri i 82.3 janë në harmoni dhe duhet interpretuar në bashkësi”, thotw profesori universitar Mazllum Baraliu.
Baraliu shton se dekreti tregoi se presidenti nuk e shpërbën Kuvendin.
“Ka thënë poashtu që Kuvendin nuk mund të shpërbëjë presidentja, që do të thotë se ajo ka gabuar, por thotë se Kuvendi shpërbëhet sepse është dispozitë 86, pra kushtetushmërisht”, shprehet ai.
E avokati, Arbër Jashari thotë se Gjykata nuk ka konstatuar shkelje kushtetuese.
Por, shton se dekreti i Osmanit nuk prodhon efekt juridik.
Ndryshe, aktgjykimi i Gjykatës Kushtetuese, u mirëprit edhe nga Presidenca e Kosovës, duke thënë se në të nuk u gjet asnjë shkelje kushtetuese nga Osmani.
