Ish-ministri i Punëve të Jashtme, Petrit Selimi ka komentuar vendimin e ShBA-së për pezullimin e dialogut strategjik me Kosovën, i cili sipas tij nuk është dashur të ndodhë në periudhën kur mandati i presidentit Trump ka filluar.
Selimi tha se vendimi i sotëm i ShBA-së për Kosovën, nuk ka qenë i paparalajmëruar, duke theksuar se kjo ka ardhë nga Uashingtoni.
Madje, ish- ministri ka thënë se tash e disa vite Kosova ka pasur vërejtje dhe këshilla miqësore nga ish-ambasadori Hovenier dhe diplomat të tjerë.
Sipas tij, këto këshilla nga aleatët, qeveria në detyrë i injoroi.
“Një lajm i keq për Kosovën, i cili nuk është dashur të vijë në këtë kohë turbullirash globale sidomos në periudhën kur mandati i presidentit Trump ka filluar, në kohën kur Kosova ka nevojë të jetë një aleate progresive për ndryshim pozitiv, familjes atlantike dhe të jetë qartësi në anën e perëndimit në këto kohërat e krizës globale por ja që ku jemi dhe fatkeqësisht dua të them që nuk është i paparalajmëruar vendimi i sotshëm i ShBA-së. Ky vendim ka ardhur nga Uashingtoni, adresa dihet, përgjegjësia dihet, por dihet edhe fakti që nuk është vendim i marrua në vakum, ne kemi pasur tash e disa vite vërejtje dhe këshilla shumë miqësore nga ambasadori Hovenier nga shumë diplomat nga të gjitha këto këshilla dhe përgjegjësi, fatkeqësisht ish- qeveria e ish – kryeministrit Kurti nuk nxori ndonjë mësim”, ka deklaruar Selimi në emisionin “Ditari” në Tëvë1./teve1.info/
