Ish-anëtari i Shtabit të Përgjithshëm të Ushtrisë Çlirimtare të Kosovës, Rexhep Selimi, para trupit gjykues në Gjykatën Speciale, ku po akuzohet për krime lufte dhe krime kundër njerëzimit ka thënë se nuk ka frikë nga drejtësia, por nga padrejtësia.
Për UÇK-në, Selimi ka thënë se nuk ka qenë ushtri e organizuar mirë, raporton teve1.info.
“Donim të organizonim ushtri, por nuk ia dolëm, s’ia arritëm. S’kishim njerëz e armë. Edhe uniformat i sajonim, i ngjyrosnim që të dukeshim si ushtarë”, ka thënë Selimi, duke shtuar se Kosova s’ka dashur luftë, por ka qenë e detyruar.
Selimi ka thënë se në fund do të vërtetohet pafajësia e tij, sepse lufta nuk është e mirë për askënd.
“Unë nuk kam frikë nga drejtësia, por nga padrejtësia duhet të kemi të gjithë. Unë besoj që në fund do të vërtetohet pafajësia ime. Të gjithë së bashku që jemi këtu, pavarësisht dallimeve politike që mund t’i kemi pasur, do ta nxjerrim të vërtetën e UÇK-së, se jemi të pafajshëm”, ka thënë ai. /teve1.info/
