Deputetja e Lëvizjes Vetëvendosje, Shqipe Selimi-Mehmeti, ka rikthyer në vëmendje ngërçin politik të vitit 2014, duke kritikuar, siç tha ajo, standardet e dyfishta lidhur me bllokadat institucionale.
Selimi-Mehmeti ka theksuar se pas zgjedhjeve të 8 qershorit 2014, Kuvendi i Kosovës ishte konstituuar vetëm më 8 dhjetor, duke përmendur gjithsej 183 ditë pa institucione të konstituuara.
“Ngërçi politik dhe bllokada e vitit 2014. 183 ditë pa institucione të konstituuara. Gjashtë muaj. Zgjedhjet u patën mbajt më 8 qershor, ndërsa Kuvendi u konstituua më 8 dhjetor”, ka shkruar ajo.
Sipas deputetes së LVV-së, ata që sot flasin për “bllokadën” janë të njëjtët që në atë kohë e përshkruanin periudhën gjashtëmujore si “dialog politik”.
“Standardet nuk duhet të ndryshojnë bashkë me karriget”, ka përfunduar Selimi Mehmeti./teve1.info/
