Zijanin Sela nga partia Aleanca për Shqiptarët në Maqedoninë Veriore, ka thënë Serbia është vetmja “njollë e zezë” në Ballkanin Perëndimor.
Ai ka thënë se Serbia e ndikuar nga Rusia, synon destabilizimin e rajonit apo ngjalljen e një pasigurie.
“Në qoftë se shihet Ballkani Perëndimor, e vetmja njollë e zezë brendapërbrenda këtij rajoni, fatmirësisht është Serbia, si vendi përmes së cilës ushtrohet influencë Rusisë dhe Puntinit për të krijuar destabilizim ose mungesë sigurie për hesapet e veta”, ka thënë Sela në emisionin “Këndi i Debatit”.
Ai ka vlerësuar se Serbia po kërkon koncesionet e veta për të shtrirë ndikimin në gjeopolitikën perëndimore.
“Fatkeqësisht vëmendja e NATO-s dhe amerikanëve është te Serbia dhe unë kam hallin që Serbia po kërkon koncesionet e veta në mënyrë që përfundimisht të hyjë në influencën perëndimore dhe të bëhet pjesë e gjeopolitikës perëndimore”, ka thënë Sela.
Ai ka thënë se kjo nuk do të jetë pa pasoja dhe ka thënë se njerëzit e politikës në rajon duhet të jenë të vëmendshëm për minimizimin e tyre.
