Në këtë takim bëhet e ditur se temë diskutimi ishte kontesti me Bullgarinë si shkak i vetos ndaj hapjes së bisedimeve me Bashkimin Evropian.
Deputeti i Kuvendit të Republikës së Maqedonisë së Veriut, njëherësh kryetar i Aleancës për Shqiptarët Ziadin Sela, në Facebook ka thënë se komisari Varhei është për debllokim të procesit euro integrues të Maqedonisë.
“Sot, bashkë me nënkryetarin, Elmi Aziri, pata nderin të takoj komisarin për fqinjësi dhe zgjerim i Komisionit Evropian, Oliver Varhei, i ciki këtë periudhë është mjaft i angazhuar për debllokimin e procesit euro integrues të vendit tonë. Rjedhimisht temë qëndrore ishte kontesti me Bullgarinë që është shkak i vetos ndaj hapjes së bisedimeve me Bashkimin Evropian”, ka shkruar Sela.
Ai tutje tha se Aleanca për Shqiptarët është e interesuar për zgjidhjen e këtij kontesti dhe çështjeve të tjera të brendshme.
“Ne shprehëm qëndrimet tona, se jemi mjaft të interesuar për zgjidhjen e këtij kontesti, por vlerësojmë se bashkë me të duhet zgjidhen edhe çështjet e tjera të brendshme që tangojnë vendin dhe raportet e brendshme. Aleanca për Shqiptarët mbetet e vendosur në orientimin euro-atlantik të vendit, si dhe në ndërtimin e një shteti të barabartë për të gjithë qytetarët”, shtoi Sela.