Policia e Kosovës njofton se gjatë një bastisje në shtëpinë e një të dyshuari në Podujevë është gjetur një sasi e substancës së dyshuar narkotike e cila është sekuestruar.
Sipas policisë, janë gjetur 1.75 kg marihuhanë, një cigare me substancë narkotike, dy matës-peshore, një mjet i mpreht e të tjera.
Më tej thuhet se i dyshuari është ndaluar për 48 orë.
“Gjatë kontrollës së shtëpisë dhe pronës, janë gjetur dhe sekuestruar prova të rëndësishme lidhur me aktivitetin e dyshuar kriminal.Në bastisje janë sekuestruar: Një kilogram e 759.32 gram marihuanë (substancë narkotike e dyshuar), një cigare me substancë narkotike të dyshuar, dy matës-peshore, katër paketime rizllash (OCB), një bluerës-mulli, një mjet i prehtë (thikë), një paketë që përmban qese plastike të vogla, një antiplumb me ngjyrë të zezë dhe një (1) telefon celular”, njofton policia.
Në fund thuhet se Policia e Kosovës vazhdon angazhimin e saj për të luftuar aktivitetet kriminale dhe për të siguruar rendin dhe sigurinë për qytetarët e Republikës së Kosovës.
Dhe sipas PK-së hetimet lidhur me rastin vazhdojnë dhe veprime tjera po ndërmerren në koordinim me organet e drejtësisë dhe Prokurorinë kompetente.
