Një armë e gjatë me pesë fishekë është gjetur dhe sekuestruar në shtëpinë e një 67 vjeçari në rrugën ‘Fadil Deliqi’ në Mitrovicë të Jugut.
Sipas Policisë, i dyshuari është intervistuar për posedim ilegal të armës dhe i njëjti më pas është liruar në procedurë të rregullt.
Ndërsa, ndaj tij është iniciuar rast për vepër penale ‘mbajtje në pronësi, kontroll ose posedim i paautorizuar i armës’.
“Bastisja është realizuar në shtëpin e të dyshuarit në rrugën ‘Fadil Deliqi” në Mitrovicën e Jugut, ku si rezultat i bastisjes është gjetur dhe është sekuestruar një armë e e gjatë me pesë fishekë. Në cilësi të të dyshuarit për posedim ilegal të armës është intervistuar i dyshuari F. H., 67 vjeç, shtetas i Republikës së Kosovës i cili pas procedurave të intervistimit është liruar për procedurë të rregullt. Ndaj tij është iniciuar rast për vepër penale ‘Mbajtje në pronësi, kontroll ose posedim i paautorizuar i armës’, thuhet në njoftim./teve1.info/
