Policia e Kosovës ka njoftuar se, gjatë aktiviteteve policore të zhvilluara në “Qarshinë e Gjatë” në Pejë, janë sekuestruar një sasi e konsiderueshme e mjeteve të mprehta dhe pajisjeve të tjera.
Sipas Policisë, më 5 gusht 2026, gjatë kontrolleve në këtë lokacion, është vërejtur se nga shitësit ambulantë po shiteshin mjete të mprehta, boksa metalikë dhe artikuj të tjerë të ngjashëm.
Në bashkëpunim me inspektorët e tregut, zyrtarët policorë kanë sekuestruar një sasi të këtyre mjeteve.
Aktiviteti ka vazhduar më 12 gusht 2026, në të njëjtin lokacion, ku inspektorët e tregut, me asistimin e zyrtarëve policorë të Stacionit Policor në Pejë dhe duke përfillur procedurat ligjore, kanë kontrolluar shitësit ambulantë.
Gjatë kontrollit janë gjetur dhe sekuestruar: 86 mjete të mprehta (briskë), 19 boksa metalikë, 2 shufra metalike, si dhe 3 futrolla thikash./teve1.info/
