Pas hetimeve paraprake dhe veprimeve të ndryshme policore, sot më 15.08.2023, rreth orës 16:20, , ka realizuar një kontroll në fshatin Vajnik të Skenderajt, në shtëpinë dhe objektet tjera përcjellëse të të dyshuarit: E.A., (viti i lindjes 1995, mashkull kosovar).
Policia e Kosovës ka konfiskuar mbi 59 kg marihuanë në fshatin Vajnik të Skenderajt.
Në këtë aksion është arrestuar edhe një person E.A 28-vjeçar.
“Gjatë kontrollit, policia ka gjetur dhe konfiskuar këto dëshmi: 59 (pesëdhjetë e nëntë) kilogram e 973 (nëntëqind e shtatëdhjetë e tre) gram, dyshohet të jetë substancë narkotike e llojit marihuanë, dy peshore digjitale, një mbështjellës – foli e tejdukshme dhe një telefon. I dyshuari me vendim të Prokurorit të Shtetit shkon në ndalim policor deri në 48 orë”, ka njoftuar Policia.
Sipas njoftimit aksioni është zhvilluar më 15.08.2023, nga hetuesit policorë nga Drejtoria për Hetimin e Trafikimit me Narkotik-Njësia e Mitrovicë Jugu, të asistuar nga njësi tjera policore (DHTNj, NjRSH, zyrtarë policorë nga SP Skenderaj) dhe në koordinim me Prokurorinë Themelore në Mitrovicë./teve1.info/
