Sektori për Hetimin e Korrupsionit i Policisë së Kosovës në koordinim me Doganën e Kosovës pas dyshimit për tregti të paligjshme nga disa biznese që ushtronin veprimtarinë argjendarive, kanë ndërmarrë veprime operacionale në rajonin e Gjilanit.
Përmes këtij operacioni janë kontrolluar shtatë lokacione të ndryshme me ç’rast janë gjetur dhe sekuestruar përkohësisht 33kg e 310 gram ari, 14 mijë e 650 euro dhe afër 10 mijë franga zvicerane.
Lidhur me këtë rast, janë arrestuar gjashtë persona të dyshuar, të cilët pas intervistimit me vendim të prokurorit janë dërguar në mbajtje./teve1.info/
