Policia e Kosovës ka sekuestruar disa armë, pjesë arme dhe municion gjatë një kontrolli në banesën e një të dyshuari në fshatin Senik të Komunës së Malishevës.
Sipas njoftimit, Stacioni Policor në Malishevë kishte pranuar informata përmes rrugëve operative lidhur me posedimin e paautorizuar të armëve nga një shtetas kosovar, banues në këtë fshat.
Në bashkëpunim dhe konsultim me Prokurorin e Shtetit, rreth orës 09:10 është kryer kontrolli në vendbanimin e të dyshuarit.
Gjatë kontrollit janë gjetur dhe sekuestruar: dy armë gjahu, një armë pneumatike (pushkë ajrore), një pistoletë, një pjesë e armës së zjarrit, një thikë, dhe tetë fishekë.
Për rastin është njoftuar prokurori kompetent, ndërsa është iniciuar rasti për veprën penale “Mbajtja në pronësi, kontroll ose posedim të paautorizuar të armëve”
Hetimet janë duke u zhvilluar nga njësitë përkatëse policore, në procedurë të rregullt./teve1.info/
