Sipas njoftimit të Kuvendit, gjatë bashkëbisedimit, kryeparlamentari Konjufca tha se vetëm duke qenë të gjithë së bashku, Kosova mund të jetë më e sigurt dhe mund të ecë më shpejt drejt rrugës euroatlantike.
Po ashtu, Konjufca tha se shteti i Kosovës në bazamentin e vet e ka një vlerë shumë të çmueshme, e që sipas tij kjo vlerë është diversiteti i popullit.
“Qëllimet tona të përbashkëta janë shumë më të rëndësishme se sa dallimet që mund t’i kemi gjatë jetës së përditshme. Pra, kjo është bota e shekullit XXI dhe kështu duhet ta ndërtojmë Kosovën”, është shprehur ai.
Duke i falënderuar për angazhimin e tyre në shoqëri, Konjufca premtoi se do të jetë partner në çdo qëllim dhe përpjekje fisinike që kanë si qytetarë të Kosovës. /Teve1.info/
