Schalke 04 – Dortmund rrëmbeu vëmendjen në Gjermani, me një takim që dhuroi shfaqje të bukur futbolli, por që u mbyll pa fitues, në barazim 2:2.
Në pjesën e parë Borussia diktoi ritmin dhe krijoi rrezik vazhdimisht të skuadra vendase, derisa u shpërblyen në minutën e 38’ me anë të Schlotterbeck i cili realizoi një gol të gjithin personal, duke befasuar portierin Fahrmann, 0-1 dhe kështu u mbyll pjesa e parë,
“Blutë mbretëror” e nisën shumë mirë pjesën e dytë, duke reaguar shpejtë, pasi barazuan në minutën e 50’ me anë të Bulter.
Barazimi solli një tjetër atmosferë, një tjetër simfoni dhe Dortmund rimori skenën. Një tjetër mbrojtës gjeti recetën e golit, këtë herë ishte momenti i portugezit Guerreiro, i cili solli avantazhin te Borussia në minutën e 60’.
Schalke rigjeti forcën për të reaguar në fund, në minutën e 79’ dhe barazoi gjithçka me Karaman, i cili befasoi “verdhëzinjtë”
4 gola për nga një pikë në derbin numër 100-të në Bundesliga midis Schalke dhe Dortmund, me vendasit që shkojnë në koutën e 20 pikëve, ndërsa Dortmund humbet disi terren dhe tani është dy pikë larg Bayern, në kuotën e 50 pikëve.