Përfaqësuesja e Argjentinës në futboll do ta festojë titullin e botës që e fitoi në fund të vitit të shkuar në Katar me tifozët e saj në dy ndeshjet miqësore do t’i luajë këtë muaj në shtëpi.
Argjentina do të përballet me Panamanë dhe Curacaon, ndërsa përzgjedhësi Lionel Scaloni të premten ka publikuar listën prej 35 lojtarëve në ftuar.
Në këtë listë të gjerë, ka përfshirë emrat e lojtarëve si Lionel Messi, Angel Di Maria dhe të tjerëve që ishin pjesë e Argjentinës në turneun e Katarit.
Ndeshjen e parë që nga finalja ndaj Francës, Argjentina do ta luajë më 23 mars kundër Panamasë në Buenos Aires. Ndërsa, pesë ditë më vonë do të përballet me Curacaon në miqësoren tjetër që do ta zhvillojë në qytetin Santiago del Estero.
Trajneri Scaloni në këtë listë ka përfshirë edhe Alejandro Garnachon, i cili këtë sezon po tregon paraqitje të mira me fanellën e Manchester Unitedit.