Dy persona janë ndaluar nga autoritetet në Gjilan, pasi dyshohen për kryerjen e veprës penale “dhunim”.
Sipas njoftimit të Policisë së Kosovës, rasti ka ndodhur më 25 shkurt, ndërsa të dyshuarit janë arrestuar në orët e para të ditës pasuese, rreth orës 01:00.
Pas intervistimit nga organet hetimore dhe me urdhër të prokurorit kompetent, të dyshuarit janë dërguar në mbajtje, ndërsa hetimet për rastin po vazhdojnë.
“Lidhur me rastin me 25.02.2026, janë arrestuar edhe dy të dyshuar meshkuj dhe të njëjtit pas intervistimit me vendim të prokurorit janë dërguar në mbajtje”, thuhet në njoftim. /teve1.info/
