Ndër skuadrat më të organizuara gjatë këtij edicioni të Superligës, skuadra e Gjilanit, një ditë para duelit me Llapin, mbajti konferencën për media, me trajnerin Ardian Nuhiu dhe kapitenin Edison Kqiku.
Nuhiu rikthehet në futbollin kosovar, pikërisht në Gjilan, por te rivali i madh i Dritës, skuadrës të cilën e bëri kampion, katër vjet më parë.
Ai u emërua trajner i gjilanasve, 50 ditë më parë, duke e kryer fazën përgatitore dhe ndeshjet kontrolluese, për çka tekniku shkupjan është optimist në grupin e lojtarëve për sezonin e ri.
Ekipi ka kryer përgatitjen e fundit të premten para duelit me llapin, të shtunën në Podujevë.
Jashtë vijave të fushës ka qëndruar vetëm Aridon Bllaca, i cili po vijon me procesin e rikuperimit, ndërkohë futbollistët Arago Jamal dhe Sabit Bilalli janë bashkuar me kohë me pjesën tjetër të ekipit pas shqetësimeve të cilat i patën ditë më parë.
Nuhiu e sheh lart ekipin e tij në këtë sezon, në mesin e top ekipeve më të mira, derisa kapiteni Kqiku, e ka vlerësuar mjaft të vështirë, kundërshtarin e xhiros së parë.
Përballja ndërmjet Llapit dhe Gjilanit do të zhvillohet të shtunën më 10 Gusht me fillim nga ora 17:00 në stadiumin “Zahir Pajaziti”.
