E pas një muaji grevë, me fillimin e vitit të ri shkollor, Ministria e Arsimit ka marrë vendim për zëvendësimin e orëve të humbura. Madje Nagavci edhe publikoi kalendarin e ri shkollor.
Por këtë gjë po vazhdon ta kundërshtoj Sindikata e Arsimit. Vjollca Shala nënkryetare e SBASHK-ut, thotë se qysh në fillim të grevës, e kanë bërë të qartë se nuk do të zëvendësojnë orët e humbura.
E zëvendësimi i orëve të humbura po shihet si vendim jo i duhur edhe nga Këshilli i Prindërve të Kosovës.
Jeton Demi, Kryetari i Këshillit thotë se ky vendim po i shkelë të drejtat e fëmijëve.
Tutje Demi tha se një vendim i tillë është marrë nga Ministria e Arsimit pa u konsultuar me Këshillin e Prindërve.
Përderisa thekson se zëvendësimi i orëve do të duhet të bëhej përmes ndonjë alternative tjetër.
Kronika e gazetares Valëza Sylejmani.
