Portieri i Kombëtares së Kosovës, Arijanet Muriq do ta vazhdojë karrierën në Serie A të Italisë.
“Corriere dello Sport” ka shkruar se Sassuolo ka arritur marrëveshje preliminare me Ipswich Townin për shërbimet e portierit Muriq.
26-vjeçari, tashmë është nisur drejt Italisë, ku do ti nënshtrohet testeve mjekësore dhe pastaj të prezantohet te Sassuolo, ekip që u rikthye në Serie A për sezonin 2025/26 si kampion i Serie B.
Sassuolo do ta huazojë për një sezon portierin Muriq, si dhe do ta ketë opsionin e blerjes së tij verën e ardhshme për 10 milionë euro.
Muriq verën e shkuar u transferua te Ipswichi dhe ka kontratë me ekipin anglez deri në vitin 2028.
Për portierin “Dardan” kjo do të jetë hera e parë që do të luajë në Itali, pasi më herët ka bërë karrierë edhe në Turqi, Spanjë e Holandë.
Ai ka edhe 36 paraqitje me Kombëtaren e Kosovës, ndërsa ka luajtur edhe për ekipet si Burnley, Manchester City, Adana Demirspor, Willem II, Girona e Nottingham Forest.
