Elseid Hysaj nuk është ftuar për ndeshjen e dytë rresht te Lazio nga trajneri Maurizio Sarri.
Sarri ka bërë publike listën e lojtarëve të ftuar për ndeshjen e 1/8 të Kupës së Italisë kundër Milanit, e cila luhet sot prej orës 21:00 por nuk e ka përfshirë mbrojtësin shqiptar.
Kjo është ndeshja e dytë rresht që Hysaj nuk ftohet nga Sarri, i cili nuk llogariti në futbollistin e Shqipërisë as për ndeshjen kampionale të vikendit të shkuar, po ashtu kundër Milanit.
31-vjeçari nuk është paraqitur në tetë ndeshjet e fundit, përfshirë edhe këtë të Kupës së Italisë tek Lazio, ekip me të cilin ka kontratë deri në fund të këtij sezoni.
Këtë sezon, Hysaj ka vetëm tri ndeshje të luajtura në Serie A kurse është pjesë e Lazios prej vitit 2021 kur iu bashkua nga Napoli.
