Në kuadër të Konferencës së Sigurisë në Mynih, i ngarkuari i qeverisë gjermane për Ballkanin Perëndimor, Manuel Sarrazin, thekson se qëllimi është integrimi i suksesshëm i Ballkanit Perëndimor në BE.
Sarrazin, ka folur edhe për situatën mes Kosovës dhe Serbisë, ku ka theksuar se duhet ta çojnë përpara zbatimin e Ohrit.
“Ne jemi për Ohrin dhe duam që të dyja palët ta çojnë përpara zbatimin e Ohrit dhe mendoj se kjo është vendimtare. Dua ta them në mënyrë eksplicite, e ardhmja e të gjithë rajonit është në BE dhe kjo duhet të qëndrojë nganjëherë mbi politikën e brendshm”, tha ai në një intervistë për DW.
Tutje, ai për emisarin e BE-së për dialogun Kosovë – Serbi, Miroslav Lajçak, tha se është shumë aktiv.
“Qasja jonë është që ta mbështesim atë dhe të bëjmë gjithçka, që kjo dritare të shfrytëzohet, të cilën Miroslav Lajcak e plotëson tani. Ai është shumë aktiv dhe kjo është qasja jonë. Më duket se nuk ka kuptim të mendosh shumë, se çfarë do të vijë pas kësaj”, deklaroi ai.
Sarrazin theksoi se qeveria gjermane mbetet e angazhuar për të bërë gjithçka, në mënyrë që dialogu së shpejti të këtë përparim./teve1.info/
